20 Out O proxecto LIFE Rexenera Limia, impulsado pola CHMS, pon en marcha a actuación B4 focalizada na canle da Lagoa da Antela
O pasado 15 de setembro de 2016 daba comezo a actuación B4 de recuperación e integración no ciclo hidrolóxico de charcas de antigas explotacións mineiras de extracción de area para a súa reconversión nun sistema de lagoas que potencie a capacidade de depuración do curso fluvial. Concretamente, os obxectivos a alcanzar son os seguintes:
• Favorecemento da existencia de hábitats adecuados para as especies presentes e as especies potenciais da ZEPA A Limia.
• Redución da presenza de nutrientes a través das raíces das plantas, mediante a instalación de illas flotantes e a revexetación das beiras.
• Optimización da función das charcas para colaborar no efecto sumidoiro de carbono e mellorar a adaptación ao cambio climático da comarca.
Estímase que a execución das obras se prolongue ata finais do mes de outubro.
Posteriormente, durante o período invernal realizaranse controis analíticos da calidade da auga á entrada e á saída das charcas coa finalidade de comprobar a redución das concentracións de nutrintes nas augas tralo paso por elas.